SUPATA NUSANTARA

kumayan Sang Naga amemasuh memala

Heh ya kemladeyan ngrepak tunggak
Geniku sakpelik munggah krapak
Dennya jinejer pamong kawula dasih
Drana driya ora ateges kalindhih

Bumi wus gumelar
Langit belang amba
Hambeg deksura aglar
Wohira pinasthi tumiba

Wus katrem anggonmu dlajigan
Canthula ambondhan ngidak-idak sirah
Dening kodratingsun samya kaprabawan
Sajenku jangkep kembang macan kerah

Asta kekalih angigel laras
Dak gawe wayangan sewengi natas
Lakon bandayudha silih busana
Anderpati horeging bawana

Hiya iki supata Nusantara
Pecahing raga
Pecahing rasa
Pecahing sukma
Sukma ketula-tula ketali
Rasa rasaning nagari roganing Brawijaya duk ing nguni

…….bumi gonjang-ganjing… langit kelap-kelap… sungsang bawana walik…….

 

PADUPAN KENCANA, titip pesan buat para pemuda dan calon pemimpin bangsa

pfupnKevCn

Apuranen kumawani atur kagawa tyas kayungyun,

Hening ati madyaning ratri,

Ameruhi…..

Kurungan peksi prada rukmi samya sunya tan ana kang nenggani

Perkutute anggegana sirna urubing cahya

Peteng ndedet lelimengan…..

Angrerintih kalimputan…..

Para bajang atut wuri Si Kaki

Adedamar nuntun barisan mecaki dalan

Wus rusak dhatulaya !!

Rasa datan bisa anyurasa !!

Oncat maligi jiwangga !!

Lebur tumpur tataning sujanma !!

Duh… kadhang-kadhang taruna jatmika,

Jantraning jagad wus aweh sasmita,

Angajap tyas rahayu samya weweka,

Golonging tekad meper hardaning priyangga

Duh… reroncening puspa,

Datan rebut unggul hamung lila legawa

Anglepas tansaya pas

Angaturi dipun genepi

Dadya ratus ing Padupan Kencana,

Tulus sumedya angambar arum,

Kumelun sundul ngawiyat,

Handayani geter sarining bawana,

Sarining Allah sarining Rahsa

Byar padang sasangka

Kadya tanggal kaping limalas

Padang njaba pandang njero

Padang luwih padang

♥♥♥☼♥♥♥

Tuhan berkarya dalam diri manusia, manusialah tangan dan kakiNya

Setiap pribadi telah dianugrahi talenta bukan untuk digenggam erat namun untuk saling berbagi

Tiada yang paling hebat namun kebersamaan membuat kuat

Dengan tulus menerima dan merayakan talenta yang ada pada orang-orang disekitar kita & dengan rendah hati mempersembahkan (melepas) talenta kita hidup semakin dipenuhi dan digenapi

Karena kita seumpama untaian bunga, untaian batang-batang lilin yang menyala

Malampun benderang berpendar cahaya

Atmosfer dipenuhi harum wangi bunga

 

ATUR PANGABEKTI

Tak lelo lelo ledhung,
mardumarduwa linindhung gambang cemplung,
swaramu manis arum,
angudhang karem ing pangalem.

Katresnanmu minangka pancasona,
angemban saliring sukma,
pepujan kang madhangi dalan,
pangestu kang handayani laku,
Duh Ibu…..
kepriye anggonku nyaur banyu susu..?

 

JODHO

…..cahyamu Lintang Johar
…..wengi petengku adedamar
…..alunmu ngaras daratan
…..baita kasepenku kinembanan

Ora bakal lali nalika bareng miwiti,
Wiwitan laku asta kinanthi,
Kanthi ngujiwat eseming liring-liring,
Kasliring marang idepmu kang ndengking.

Endahing warna mulak sumunar,
Sunaring tansah mblerengi panyawang,
Sesawangan kang angaling-alingi,
Kalingan esem lamising lathi.

…..dalane rumpil tur lunyu
…..aku pengin wanuh apa anamu
…..remuk rempu ora bakal golek sulih
…..terus lumaku.. jejer kita wus pinilih

********** ^__^ **********

Jadi bila aku dipilih, aku diakui sebagai seseorang yang memiliki sesuatu untuk dibagi ?

Kasih memberi diri bagi orang yang dikasihi. Ujian terberat adalah ketika ia harus memberi bahkan disaat tiada harapan untuk mendapatkan balasan sekalipun

Aku tidak bercahaya dan warnakupun tidaklah indah

Kasih merasa senang dan menikmati orang yang dikasihi. Kasih memunculkan keindahan yang ada dalam dirimu yang sekarang mungkin hanya aku yang dapat melihatnya, hingga suatu saat nanti keindahanmu akan dapat dilihat oleh semua orang. Hal ini sungguh menyenangkan hatiku.

Ah, kau dibutakan oleh cinta

Ha..ha..ha.. bila memang cinta itu buta, biarkan kutemukan jalan bersamamu

 

RINENGKUH

Dalu cumondhok ing galih,

Geter kalbu kagubel raos sih,

Yagene meksa gemang nlesih,

Saikine poyang-paying kabuncang perih.

Nadyan kuwasa ngripta wileding ukara,

Tangeh bisa selak ing rasa,

Lamun arsa kagawa ngulandara,

Mendah nora kondur cinancang ndriya.

Wus manuta rinengkuh asmara,

Sesandhingan tumuli wredha,

Kawuningana sajroning tresna,

Jatining warnamu kang tuhu mulya.